Жас Қанат» Жастар денсаулық орталығы

«Жас Қанат» Жастар денсаулық орталығы 10 жастан 28 жасқа дейінгі жасөспірімдер мен жастарға репродуктивтік және психикалық денсаулық мәселелері бойынша медициналық-психологиялық және әлеуметтік көмек көрсету мақсатында құрылған.

Медициналық және консультациялық көмек тегін көрсетіледі және еріктілік, қолжетімділік, құпиялылық, ізгілік пен сенім қағидаттарына негізделеді. 

Орталық мамандары:

• Уролог — Ашимов Э. А.
• Гинеколог — Нургалиева С. А.
• Психолог — Кемелова Г. Т.

Қызметтің негізгі бағыттары:

• отбасын жоспарлау;
• гинекологиялық көмек, оның ішінде балалар мен жасөспірімдерге көмек көрсету;
• психологтың консультациясы;
• АИТВ инфекциясының алдын алу;
• дерматовенерологтың консультациясы;
• зиянды әдеттердің: темекі шегудің, алкогольдік ішімдіктер мен есірткі заттарын қолданудың алдын алу;
• әлеуметтік және құқықтық мәселелер бойынша консультациялық көмек көрсету.

Орталық мамандарының негізгі міндеттері:

• репродуктивтік жүйе ауруларын, психикалық денсаулық бұзылыстарын және денсаулық жағдайындағы басқа да ауытқуларды ерте анықтау мақсатында медициналық тексерулер мен диагностикалық іс-шараларды жүргізу;
• салауатты өмір салтын қалыптастыруға бағытталған профилактикалық және ағартушылық бағдарламаларды әзірлеу және іске асыру;
• жасөспірімдер мен жастарға психикалық денсаулық, күйзеліс жағдайлары, отбасылық және тұлғааралық мәселелер бойынша консультация беру;
• аурулар анықталған жағдайда жасөспірімдер мен жастарға қажетті емдеу және оңалту шараларын ұйымдастыру;
• өмірлік қиын жағдайларға тап болған жастарға әлеуметтік қолдау алуға жәрдемдесу;
• жасөспірімдер мен жастарға көмек көрсету кезінде еріктілік, құпиялылық, қолжетімділік және ізгілік қағидаттарын сақтау.