ДЕРБЕС МЕЙІРГЕРЛІК ПРАКТИКА БӨЛІМІ
Дербес мейіргерлік практика – медициналық көмектің қолжетімділігі мен сапасын арттыруға, мейіргерлердің кәсіби құзыреттерін кеңейтуге және пациенттің өз денсаулығына жауапкершілігін арттыруға бағытталған мейіргер ісін дамытудың заманауи бағыты.
Дербес мейіргерлік практика шеңберінде кеңейтілген практикадағы мейіргер пациенттің жағдайына дербес мейіргерлік бағалау жүргізеді, денсаулыққа байланысты бар және ықтимал мәселелерді анықтайды, пациенттің мейіргерлік қажеттіліктерін айқындайды, мейіргерлік араласу жоспарын әзірлейді және көрсетілген мейіргерлік көмектің тиімділігін бағалайды.
Мейіргердің қызметі кәсіби құзыреті шегінде, Қазақстан Республикасының заңнамасына, мейіргерлік күтім көрсету саласындағы нормативтік талаптарға және клиникалық мейіргерлік ұсынымдарға сәйкес жүзеге асырылады.
Кеңейтілген практикадағы мейіргердің негізгі функциялары
Кеңейтілген практикадағы мейіргер:
- пациенттің жағдайын дербес бағалауды;
- денсаулықтың негізгі көрсеткіштерін өлшеуді және бақылауды;
- мейіргерлік тексеру жүргізуді;
- денсаулыққа байланысты қауіп факторлары мен мәселелерді анықтауды;
- пациенттің мейіргерлік қажеттіліктерін айқындауды;
- мейіргерлік күтімді жоспарлауды және жүзеге асыруды;
- пациенттің жағдайын динамикалық бақылауды;
- профилактикалық кеңес беруді және пациенттерді оқытуды;
- пациенттер мен отбасы мүшелерін өзін-өзі күту дағдыларына үйретуді;
- салауатты өмір салты және аурулардың профилактикасы бойынша ұсынымдар беруді;
- ұсынымдардың орындалуын бақылауды;
- мейіргерлік араласулардың тиімділігін бағалауды;
- қажетті медициналық құжаттаманы жүргізуді;
- медициналық бағалауды қажет ететін жағдайлар анықталған кезде пациентті дәрігерге немесе басқа маманға уақтылы жолдауды жүзеге асырады.
Дербес мейіргерлік қабылдау
Қызметтің негізгі бағыттарының бірі – кеңейтілген практикадағы мейіргердің белгіленген кәсіби құзыреті шегінде пациенттерді дербес қабылдауы.
Қабылдау барысында мейіргер пациенттің жағдайын бағалайды, мейіргерлік қажеттіліктерін айқындайды, қауіп факторларын анықтайды, қажетті мейіргерлік шараларды жүргізеді және профилактика мен өзін-өзі күту бойынша ұсынымдар береді.
Аурудың немесе дәрігердің араласуын қажет ететін жағдайдың белгілері анықталған кезде мейіргер пациентті дәрігерге уақтылы жолдауды қамтамасыз етеді.
Негізгі мақсаты
Дербес мейіргерлік практиканың негізгі мақсаты – пациентке қолжетімді, сапалы және уақтылы мейіргерлік күтім көрсету, асқынулардың алдын алу, емге бейімділікті арттыру және өз денсаулығын өз бетінше басқару дағдыларын қалыптастыру.
Мейіргердің дербес практикасы дәрігердің жұмысын алмастырмайды, керісінше оны толықтырады, мамандардың тиімді өзара іс-қимылын, медициналық көмектің сабақтастығы мен үздіксіздігін қамтамасыз етеді.
Пациент үшін артықшылықтары
Дербес мейіргерлік практика:
- медициналық көмекті күту уақытын қысқартуға;
- мейіргерлік қызметтердің қолжетімділігін арттыруға;
- аурулардың профилактикасына көбірек көңіл бөлуге;
- денсаулық жағдайын тұрақты бақылауды қамтамасыз етуге;
- пациенттің хабардарлығын арттыруға;
- өзін-өзі бақылау және өзін-өзі күту дағдыларын қалыптастыруға;
- пациенттің ұсынымдар мен емді орындауға бейімділігін арттыруға;
- мейіргерлік күтімнің сабақтастығы мен үздіксіздігін қамтамасыз етуге мүмкіндік береді.
Заманауи мейіргер – дәрігердің тағайындауларын орындаушы ғана емес, сонымен қатар пациенттің қажеттіліктерін кәсіби тұрғыдан бағалай алатын, өз құзыреті шегінде шешім қабылдайтын және көрсетілетін мейіргерлік көмектің сапасына жауап беретін дербес кәсіби маман.
Дербес мейіргерлік практика – пациентке бағдарланған медициналық көмектің заманауи моделіне жасалған маңызды қадам.